GUWAHATI: Nagaland, Mizoram, Meghalaya, Manipur aro Arunachal Pradesh laga Youth Congress presidents para Assam chief minister Himanta Biswa Sarma ke states border te dosura Northeastern states logot situations beya kora nemite putnam thishe. Statement te tai khan para koishe, Assam government para osor state oper te force jowa nemite jamila besi othikena aro ketai tai State laga CM hoishe etu beche jamila besi sourh hoishe. Full join statement deya te Geli Eti, President, Arunachal Pradesh Youth Congress, Mahananda Nungleppam, President, Manipur Pradesh Youth Congress, Richard Mrong Marak, President, Meghalaya Pradesh Youth Congres, Dr. Lalmalsawma Nghaka, President, Mizoram Pradesh Youth Congress aro Limayangba Longkumer, President, Nagaland Pradesh Youth Congress. Assam government para osor state oper te olop saal para force chui-kena aha toh putnam kori ase. Himanta Biswa Sarma toh chief minister of Assam junai beche, tai para police force jowa nemite etu incidents toh othi ase. Assam osor dosura state manuh khan besi duhk te thaki ase, etu manuh khan laga kethi aro saman toh Armed Assam Police para beya korikena aro civilians khan ke hotai Assam Police para jamila dey koishe. Etu incidents para Northeast manuh pithor te besi bapana beya hoikena Northeastern states pithor te mel-melab nai. Ami khan laga bapana te Himanta Biswa Sarma laga kam hesab te tai chief minister of Assam hoboli fit nai aro tai ke BJP leadership para chief minister of Assam hataboli lage, etu beche Northeast toh shanty aro kushi para thakibo.
NE Youth Congress leaders: Border jamila toh Assam CM nemite ase
