November 4, 2023: Friday din Nepal laka ajak deh ekta dangor earthquake aha tho kom seh kom 140 manu muri shae aro bishi manu jokom kai shae. 6.4 magnitude earthquake laka kara tremors kan tho New Delhi tak deh b ahi shae.
Friday rati deh earthquake aha tho Jajarkot deh taka ghor kan pura girao di shae. Photos kuto social media kan deh post kuri nah taki shae, tateh locals kan anthera deh dig kuri taki shae survivors basia kan keh baja boleh.
“Ghor kan bangi nah ase. Manu kan ghor laka bahar phat olai jai shae. Mui itia bui kah resident kan lokot bahar ase. Damage kan kiman hui shae, etu bisari bole mukan koshish kuri ase,” Police official Santosh Rokaa para kui shae.
Rescue operations hua time deh Jajarkot laka jaka deh contact bana bole officials kan dictar pai ase. Jajarkot tho kta hilly district ase kute 190,000 laka population ase. “District tho dur taka karne kobor kan pabo leh dictar hui ase. Kun bah rasta kan tho damage para bon kuri di shae hoile b mukan alak rasta para jaka tho punchi bole koshish kuri ase,” Karnali Province police spokesman Gopal Chandra Bhattarai para AFP keh kui shae.
Nepal para army kan keh b deploy kuri nah ase search aro rescue operations deh motot kuri bo karne. Nepal Prime Minister Pushpa Kamal para human aro physical damage kan kuto earthquake para nai di shae, etu karne duk deh kui shae.
Nepal tho ekta geographically active region deh ase kuteh Indian aro Euraisan tectonic plates collide kureh. Etu karne earthquake tho hotai ahi takeh.
Add Comment