Beirut, November 4, 2023: Israel-Hamas war hua time deh, senior Hamas official, Ali Baraka para United States of America tho ekdin puila laka kotha hobo aro USSR nishi he giri bo kui nah waning di shae, Jerusalem Post para report di shae.
Ali Baraka para etu remarks kan ekta Lebanese YouTube channel lokot interview lua time deh kui shae November 2 deh.
“United States tho Britain aro global Freemasonry para establish kuri shae aro USSR kinaka giri shae, enaka nishi nah giri bo.” Jerusalem Post para taike quote kuri nah kui shae.
“Region deh America laka sob dushman kan osor hui ase ekjun akjun lokot aro ek din taikan eki lokot milai nah war deh jabo pareh. Enaka hui leh tho taikan American keh puila laka kotha banai dibo,” Hamas official para warning di shae. “America tho kara nata kibo,” tai kui shae.
Ali Baraka para b North Korea kan keh praise kuri shae. “Apni kan jana nishi nah, dunia deh khali North Korea laka leader heh United States keh strike kuri bole pari bo. Khali tai heh ase. Ekta din ahibo pareh kuteh North Korea para war deh intervene kuri bo. Kile koile tai tho mukan laka alliance pitor deh ase.” Tai kui shae
Add Comment