Police pora 24-saal umar suspect ke Mafia boss Francesco “Franky Boy” Cali ke New York City te mora nimite thurise, authorities khan pora Saturday te koise.
Etu 53-saal umar Cali, kono ke tai laga Staten Island ghor laga bahar te banduk pora mari kena moraise, toh Gambino khandan laga head thakise, etu toh panchta Italian-American Mafia khandan majote ekta ase, tai khan toh pohoila samoy pora New York aro New Jersey te goodkiri kori thakise.
Police pora Anthony Comello ke New Jersey te Saturday te thurise aro tai ke Cali mora laga charge lagaibo phabana ase, New York Police Department laga Chief of Detectives Dermot Shea pora news conference te koise.
Mora laga surveillance video pora dekhaise ki ekjun manu, Comello, toh tai laga gari pora Cali laga park korikena thakiya SUV ke lagaise, etu pora Cali bahar te ahise, Shea pora koise.
ABC News pora khoborkorise ki tweijun manu kotha korise aro haat milaise etu bicchete suspect pora banduk olaise. Etu suspect pora Cali ke dos bar nisina guli marise, Shea pora koise.
Shea pora etu toh kowa ki juti Comello logote criminal record thakise na nai, hoilebi tai pora koise ki tai toh NYPD logote besi bar logpaise.
Police pora etiya tak Cali mora laga karan ki ase, etu ke jaach kori ase, tai pora koise.
Add Comment