WELLINGTON, NEW ZEALAND:Wednesday te New Zealand para Google ke warn kurishe. Internet giant Google para court para order diya hesab te no Chula nimite etu warning toh dishe. Court order dishe ke British backpacker ke murai diya manu laga naam toh etiya confidence te rakhi bole koishe. Etu nimite New Zealand para Google ke tai khan laga action nimite responsibility lubole koishe.
Auckland court para etu moina te murder suspect laga naam dishe. Hoile bhi Google para etu manu laga identity “what’s trending in New Zealand?” laga subscribers khan ke email through para dishe.Justice Minister Andrew Little koishe etu toh unacceptable ase. Justice Minister para tai laga views Google executive ke meeting kora samay te janibo dishe. Etu meeting toh parliament te Tuesday rati te hoishe.
Google koishe etu breach toh negligent paraa hoishe. Google toh court order bhi unaware thakishe koishe. Justice Minister Little koishe etu excuse toh relevant nohoi koishe.
British tourist Grace Millane laga body toh Auckland laga bahar te etu moina agote paishe. Etu nimite 26-years laga chokora ke arrest kurishe aro tai laga opor te murder charge ase.
Etu case para New Zealand aro Britain te bishi interest generate kurishe. Etu nimite kunba media media outlets khan toh accuse laga naam bhi dishe. Media outlet khan para argue kurishe ke court laga order toh tai khan opor te apply nokure.
Justice Minister Little koishe tai duita local Google executives lok paishe aro company laga California headquarters laga senior legal counsel bhi video para tai khan ke join kurishe.
Add Comment