WASHINGTON:Wednesday te media watchdog koishe larai para muribole laga risk komti hoile bhi. 2018 para Journalists khan ke tai khan laga kaam nimite murai debole target kora bishi hoishe.Committee to Protect Journalists koishe 53 journalists para 34 journalists khan ke tai khan laga duty samay te muraishe. Etu ghatna khan toh dhuniya pura te etu saal te hoishe.
New York-based watchdog group khobor te koishe Journalists khan ke tai khan laga report nimite murai diya toh 2018 para double hoishe.
CPJ khobor hesab journalists khan kaam samay te mura toh teen saal majote 2018 te highest ase. Larai te mura toh 2011 para koti hoishe. Khobor hesab te Afghanistan te extremists khan journalists khan ke bhi murai debole suru hoishe. Afghanistan toh khatar-nak desh ase aro journalists khan ke murai diya toh bishi hoi ase.
25 manu murai diya te AFP laga chief photographer Shah Marai bhi thakishe, aro tai khan logote atta aro journalists thakishe. Etu ghatna April bomb attack Afghanistan te hoishe.
CPJ koishe 2018 te 23 journalists khan ke murai deya laga investigation kuri ase. Hoile bhi etiya tok bhi journalists tai khan kaam kora samay te mura eku confirmation nai.
Add Comment