Abuja, 27 September: Thursday de relief agencies pora kowah toh, Nigeria laga 12 states de bhari pani keri-kena flood howah pora 200 na-ponji kena manu morise koise. National Emergency Management Agency (NEMA) pora kowah toh, main Niger aro Benue nothi flood howah pora 199-jun morise koise. NEMA pora kowah toh, jowah moina 826,403 jun ke dekthari powah bechide etu par howah toh sobse notun wala ase koise. Etu laga de 286,119 jun toh khor na-thaki kena ase koise. Mora toh aro othibole biswas kori ase aro ahhibole hapta time de besi pani keribole biswas kori ase. Report de, Shelter, food, medicine aro tusara saman mosquito nets nesana khan besi lagi ase koise. Nigerian Red Cross, Abubakar Kende laga secretary-general pora kowah toh, flood pora khali town aro biosti beya howah ekala nahoi kena khor laga janwar ato kethi-bahri khan beya koridese koise. Hoilebe tai pora hosiyar najaideya toh, flood pora cholera aro tusara bemari khan hobole ektum chance ase koise. Tai pora sanitation, health care aro clean water thek na-thaga pora 28,000 nesana khan Cholera case powah thakise koise. Jowah hapta United Nations pora kowah toh, jai-ja tui hapta time de northeast Nigerian states lalga Borno aro Yobe pora Cholera caseas 3,000 pora besi paise aro 97 jun toh morikena ase koise. Etu sal suru time pora Lake Chad region de Nigeria, Niger, Chad aro Cameroon be meli-kena pani laga bemari pora 500 opor manu mori kena ase.
Add Comment