NLTP file toh hoiley Cabinet logotey ase, Moatoshi para koishey, Department tey manpower & resources lagi ase implement kuriboley karney

September 20, 2024, 06:15 PM : Advisor & MLA – Moatoshi Longkumer para address kurishey, NLTP Act, 1989 opor tey. NLTP file toh hoiley cabinet logotey asey, toh itu nimitey, Cabinet laga decision nimitey rukhiboley lagibo, koi kena koishey, tai para. Moatoshi para koi thakishey “Nisha Pani khan toh ekta sin asey”, tai para mention kurishey, “Glottony morom thaka poisa nimitey, itu bhi sin asey,” tai para koishey. Department kotey khali 336 staff ekla asey tatey toh manpower nai, tai para koishey, itu nimitey Department tey manpower & resources khan lagi asey, implement kuriboley karney, koishey.