September 13,2020:Manipur forest minister Awangbow Newmai para Noney te akhe wala forest division complex shuru kurishe.
Etu event te MH Khan, additional chief secretary to the forest department, Kereilhouvi Angami, PCCF and Namsinrei Panmei, chairman, Autonomous District Council, Tamenglong khan ahise.
Forest minister Newmai para etu te kotha kura samay te khushi janaishe Longmai (Noney) village authority ke etu Noney Forest Division complex bonabole nimete mati diya nimete.
Tau para aro bi Noney laga manu khan ke dhandyaabad koishe support diya nimete aro projects khan nimete forest department para Noney district te luwa nimete.
Newmai para bosti manu khan ke koishe etu forest para laaph lobole nimete aro tai khan ke modot kuribole nimete forest department khan ke alag alag projects aro schemes nimete kuntu toh Noney district te loishe.
Bamboo Processing Centre at Khumji village, te jaa samay te Awongbow koishe bamboo toh noney district laga forest te bishi ase bamboo processing centre para district laga bosrti manu khan ke laaph dibo aro social economic condition bhal kuribo.
Tai para bosti manu khan ke centre para bishi wala laaph lobole janaishe.forest minister para aro bi Saturday din Noney district te ekta Solid and Waste Management project shuru kurishe.
Etu project shuru kura samay te minister para youths,clubs volunteers aro social workers Noney district ke khushi janaishe etu initiative luwa nimete waste management nimete etu para town forest aro nodi sapha rakhibole nimete.
Awongbow koishe”enika nishena voluntary service toh akhe wala ase hill district te kuntu toh olaishe aro mui bishi khushi ase enika kaam chulibole thaka toh society laga manu khan follow kuribole nimete ekta healthy and environment-friendly society bonabole nimete.”
Noney Forest Division complex aro barracks toh Rs 51 lakh laga daam te bonaishe. district forest officer of Noney, Napoleon Rongmei para etu sal laga Noney Forest Division laga achievement nimete ekta power point presentation bonaishe.
Longmai Nature Club para bi solid waste management nimete ekta power point presentation bonaishe.
Alag alag farmers’ associations Noney district laga ministers khan ke ekta memorandum dishe financial assistance mangikena.
Village authorities, civil society organisations, NGOs department laga government officails khan etu event te strict COVID19 standard operating procedure manikena ahise.
Add Comment