February 10, 2024: India laga Northeastern states tey, tas saal majetey pishe change hoishey. Manu khan mon dikena kaam kuriasey itu jaga tey shanti banaboley aru area grow kuriboley motot kuriasey. Prime Minister Narendra Modi para itu Northeast region ke matishey Bharat laga ‘Ashtalakashmi’ koikene, itu matalab jaga ekta kotey growth aru prosperity laga full potential asey.
Phal roads, trains aru planes karney life toh asan hoishey. Chokra khan alag alag strikes aru protest khan face kuribo nalakey, itya toh tai khan laga dream ke focus kuriboley parey. Trade aru Tourism be improved hoishey, itu para kot kot jaga jaboley be asani hoishey.
Itu region tey Government para pishe poisa invest kurishey, 2014 para loikena aji tak 5 lakh crore rupees lakaishey kontoh para develop kuriboley motot baishey. Tai khan kaam kuriasey roads, trains aru airports khan alag alag jaga para connect kuriboley.
Itu region tey dangor achievements khan dikhiasey, International train link khan introduced kurishey aru dangor bridges khan banaiasey. Highways khan pishe hoishey aru aji dikhibo parey ki itu region para pishe flights khan take off kuriasey. Itu toh bani khan be attendion baiasey, trade karney notun waterways khan developed kura homoitey. Itu para manu khan karney asan banaitey osor desh khan logo business kuriboley.
Itu sob development toh boisa gamaboley karney ekla nahoi. Itu para Northeast tey manu khan ke motot kuriasey Sports tey phal banaboley, nejor business shuru kuriboley aru renewable resources khan use kuriboley. Government toh North East ke dangor banaboley kuriasey. Prime Minister para lead kura nishena, itya be Northeast tey dangor future asey. Northeast toh ready asey duniya ke shine kurikena dikhaboley.
Add Comment