North Korea logode tail sanction kora desh khan sanction pora dukh pabo

Washington, 23 September: Saturday din US State Department pora kowah toh, North Korea logode kondu desh pora hoilebe tail dese koile sanctions koribole ase kowah thakise. State Department spokeswoman Heather Nauert pora koi-kena thaga toh, UN sanctions pora bachibo karni North Korean khan plan kori ase kowah thakise. Tai aro kowah toh, UN member states khan ship pora ship petroleum tail transfer kora toh ban koribo lagibo koise. 2006 sal bechide 15-member UN Security Council pora North Korea logode sanctions othaideya thakise. Tai khan etu othai kena thaga toh, Pyongyang’s nuclear aro ballistic missile programs bondh koribo karni kora thakise. Hoilebe etu sanction opor de, United States aro Russia laga relation toh beya hoi kena ase. Haleys’s pora koi-kena thaga de Russia pora kowah toh, tai khan US report laga authors logode dekthari deya nai koise aro tai khan Haley pora tension othideya karni bodhnaam kora thakise. Trump administration pora tail supply nakoribole hosiya jaanideya bechide aro kowah toh, etu janaideya bechide be Pyongyang logode arobe dekthari de ase koise. Etu hapta President Donald Trump toh North Korean leader Kim Jong Un aro South Korean President Moon Jae-in logode summit thakise. Russia aro China pora be kowah toh, june moina Trump aro Kim majode summit thaga bechide sanction de namise koise. Aro Kim be denuclearization  de kum koribo karni wada kora thakise koise. Friday din US Secretary of State Mike Pompeo pora koi-kena thaga toh, United States toh Trump aro Kim majode aro summit thakibole plan kori ase koise. Hoilebe kum koribole aro-besi ase koise.