Agencies, 04 December: Tuesday din South Korean President Moon Jae-in pora kowah toh, Seoul jaga deh North Korean leader Kim Jong Un ahhibole pari. Aro etu nesana ahha pora Pyongyang’s aro United States laga relation toh phal koribo. New Zealand jaga deh jaa time deh reporter pora hotha time deh Moon pora jawab deya toh, Seoul jaga deh Kim toh ahhibole ektum chance ase. Etu toh first time hobo South Korea jaga deh North Korean leader ahha toh. Hoilebe, tai ahhibole laga din aro time khan toh eku nabonai kena ase, koikena Moon pora janaishe. Tai pora kowah toh, etu nesana log korise koile Korean peninsula laga denuclearisation deh othabo aro North aro United States laga relation toh phal hoi kena agae jabo. Jun moina Singapore jaga deh summit thaga bechide Trump aro Moon toh Korean peninsula laga denuclearisation deh kaam korijabole mana thakishe. Hoilebe tuita side majode kaam toh olob hee kori kena ase. North Korea toh Washington logode gusha howah thakishem sanction narokhabo kowah karni. Etu pora tai khan nuclear programme toh aro suru kuribo koikena hosiyar janaideya thakishe. Jowah moina U.S. Vice President Mike Pence pora kowah toh, nuclear aro missile programme bondh kuribo karni Trump pora plan kuribole ase.Saturday din Trump pora kowah toh, tai Kim logode arobe January nohoile February moina loh kuribo nesana ase. New Zealand Prime Minister Jacinda Ardern logode meeting thaga time deh Moon pora olob katha kotha kora thakishe. Etu time deh tai jun Korean peninsula bachabole laga kotha kora thakishe. Ardern pora kowah toh, New Zealand’s khan nuclear non-proliferation deh khara thaga toh clear ase aro ami khan laga biswaas toh, 2019 deh North Korea laga denuclearisation deh parijabole biswaas kori ase.
Add Comment