Papua jaga deh hamla pora 31 moraidese aro ek-jun haraijaise: Indonesia police

Agencies, 04 December: Tuesday din police pora kowah toh, Indonesia laga Papua jaga deh ektum beya pora hamla howah ke mora, 31 construction workers laga body toh security force pora lobole kosish kori ase. Etu hamla deh ek-jun manu be haraikena ase. Papua police spokesman Suryadi Diaz pora janaideya toh, Sunday din Nduga district laga pahar area bosti deh bondukh thura pathor-manu (Separatist) khan pora government bridge construction project deh hamla kora karni 24 workers moraidese. Witnesses khan pora janaideya hesab deh Diaz pora janaideya toh, tusara eight workers khan local parliament member laga khor osor deh polaija thakishe. Hoilebe bondukh thura manu khan din phali ahhi kena seven jun toh moraidese. Eight jun manu polabole parise aro tusara khan haraijaise.  Diaz pora The Associated Press  logode kowah toh, Government pora ektum gara bona bechidebe etu katharnaak hamla howah toh sobse notun wala ase. Tai pora kowah toh, security forces khan 31 bodies toh lobole kosish kori ase. Hoilebe bondukh thura khan lokai kena guard kori ase. Jowah par hee Java aro tusara Indonesian islands pora ahha motorcycle taxi drivers khan besi mora thakishe koikena Diaz pora janaishe.