July 31, 2021. Northeast MPs Forum para Assam aro Mizoram logot inter-state border te shanty thakiboli janaishe. “olop din akhe Assam-Mizoram border te jamila hoikena manuh mora nemite besi mon pekaishe aro Northeasr manuh nemite tangor kalti kam kora ase,” koikena Northeast MPs Forum Chairman & union minister Kiren Rijiju aro Shillong laga General Secretary aro MP, Vincent Pala para joint statement te janaishe. “itya besi duhk thaka samai, Northeast laga Members of Parliament laga nam para tuita(2) parties aro government logot conciliatory steps loikena border te mel-melab hoikena thakibo janai ase,” koikena statement te koishe. “besas ase ke tuita(2) states majot te cordial aro harmonious thakibo janai ase,” statement te aro koishe. Northeast MPs Forum toh Northeast te ekta parliamentarians body ase. Olop din akhe Meghalaya te Shillong constituency laga Lok Sabha MP, Vincent Pala para koishe ke, Northeast states te inter-state border rows toh Assam te notun BJP-led Government aha beche besi beya jai ase. Friday din Vincent Pala para letter te Prime Minister Narendra Modi logot koishe ke, “saikena aha te BJP-led government para Assam te etu neshina jamila ekla ola nahoina besi kam beya ke kori ase,” koikena Prime Minister ke Vincent Pala para letter lekishe.
Northeast MPs Forum para Assam &Mizoram ke shanty koishe
