Agencies, 13 April: South African scientists para besi contagious Omicron variant laga tuita notun sub-variants- BA.4 aro BA.5 paise. Tulio de Oliveira, of Centre for Epidemic Response and Innovation (CERI), South Africa hisab te, sub-variants toh South Africa, Botswana, Belgium, Germany, Denmark aro UK te paise.
Poila South Africa te etu notun sub-lineages toh genomically confirmed cases laga ekta share hisab te othi thaka dekhise. Hoilebe hosiyar hobole laga karan toh nai kelay koile cases te otha, admissions nahoile mora toh desh te nadekha nemite koise.
Tai para Delta aro Omicron BA.1 wave bechite, South Africa te complex immunity landscape logote high population immunity toh komti infections, hospitalisation aro mora laga ekta main karan ase koise.
Jowa saal Omicron first khobor howa be South Africa aro Botswana thakise. South Africa be first desh thakise super mutants para dekthari powa te aro etu toh ekta global wave nahowa agae te. BA.4 aro BA.5 sub-variants be World Health Organization (WHO) laga radar te ase.
Global health agency para tuita sub-variants te track kora suru korise koise tai khan laga additional mutations nemite aro etu te tai khan laga impact immune escape potential te janibole agae studied laki koise.
Duniya te olop dozen BA.4 aro BA.5 laga cases he khobor hoise. Poila BA.4 samples GISAID te khobor howa toh South Africa para thakise aro sample jama kora data toh January 10, 2022 laga thakise koise.
BA.4 aro BA.5 toh UK agency’s monitoring list te melaise koise. March 30 tak BA.4 laga ekta case each toh Scotland aro England te paise koise.
Health officials para tuita variants te “potentially biologically significant mutations” thakise koise.
Add Comment