IMPHAL, April 11: BJP aro tai khan laga leaders khan ke bodnam koriya nimite National Security Act (NSA) laga nijete pora thuriya journalist Kishorchandra Wangkhem, te jar mohoina pora besi jail te buhiya bicchete Wednesday te charise.
Manipur High Court pora Monday te tai ke thurikena rakhibo aadeh toh hataise aro tai ke phat charibole aadesh dise.
Etu 39-saal umar toh television journalist toh din te central jail pora chari dise, Superintendent of Prison (Jail) Sokholal Touthang pora koise.
Wangkhem toh jowa saal November te BJP, RSS, Prime Minister Narendra Modi aro Manipur Chief Minister N Biren Singh ke bodnam korikena kotha koriya nimite Imphal West district magistrate laga aadesh pora NSA kanu laga nijete thurikena rakhise.
Tai ke November 21 te sedition charges lagaise aro 12 mohoina nimite jail te borthaise. Wangkhem, kono toh BJP-ruled Manipur te local cable TV te kaam kori thakise, toh December 20 te tai ke thuriya ke khilaf korikena court te jaise.
Add Comment