Tura | April 11: Meghalaya te polling laga 1st phase juliya samoy te, Tura constituency laga NPP Lok Sabha Candidate Agatha Sangma pora Lok Sabha election te jitibo koikena mon dangor koriya janai dise.
Tai laga vote diya bicchete khobor manu khan logote kotha korikena, tai pora koise, “Etu toh bhal pora jaaniye ki etu elections te NPP pora jitibole ase aro moi khan etu laga mon dangor ase. Elections toh hotai daan ase aro moi khan besi mehenad koriye aro biswas ase ki moi khan laga mehenad toh safalta hobo.”
Ketiya hothise ki kenika polling aro result ola majote samoy toh bittaibo koikena, tai pora koise, “Moi laga samoy toh moi laga khatta election campaign samoy te jabole napariya jaaka khan te jaikena manu khan logote log pabo”.
Tai pora etu bi milaikena koise, “Etu moka diya nimite moi besi khusi ase aro moi laga biswas ase ki Garo Hills laga manu khan pora moi khan ke bahuriya nai aro Garo Hills laga manu khan pora moi khan ke morom koriya nimite moi khan laga phabana ase ki etu bar election te moi khan jitibo. Moi mon dangor ase aro biswas ase ki Garo Hills laga manu khan nimite Isor pora rasta bonai kena ase.”
Add Comment