NEW DELHI: Delhi Commission for Women (DCW) para nizam dishe ke kunba Odisha police personnel toh 16years laga chukuri laga kidnap kura aro trafficking te hissa ase koishe. Chukuri ke agi-kali he Rajasthan para bachaishe aro etu etu officials aro traffickers khan opor te action lubole demand kurishe.
February 5 te DCW aro Rajasthan Police melai kena Jhunjhunu para chukuri ke bachaishe. Etu chukuri toh 2017 te Odisha laga Rourkela para kidnap aro trafficked hoishe.
Odisha Chief Minister Naveen Patnaik ke DCW chairperson Swati Maliwal para letter de kena claim kurishe ke chukuri laga baba kun retired railway officer ase. Tai koishe ke chukuri toh hara logotte tai Odisha police ke approach kurishe. Odisha police station laga personnel khan chukuri ke trace kurishe aro tai ke Rajasthan para Odisha te wapas anishe.
Concerned Child Welfare Committee para police ke chukuri toh baba ke wapas debole direct kurishe. Hoiel bhi tai koishe ke chukuri ke baba logote wapas dediya nohoi kena police para chukuri ke wapas Rajasthan te traffickers khan logote pothai dishe.
MS Maliwal letter te koishe etu pichete ek saal pichete tai para Odisha laga alak alak authorities khan logote approach kuribole kosis kurishe. Hoile bhi eku bhi huwa nai.
Ms Maliwal koishe ek saal opor para chukuri opor te rape aro abuse hoi thakishe. Aro olop samay agote he chukuri toh baba ke lokai kena kotha kuribole parishe. Tai khan etu pichete DWC ke inform kurishe aro chukuri toh bachai loishe. Etiya etu samay te chukuri toh Delhi laga shelter home te ase.
DCW chairperson koishe ke Odisha police khan etu trafficking te hissa thaka toh ekdam serios kotha ase.
Delhi Commission for Women (DCW) toh chukuri laga khobor pa pichete, khata samay te he Chukuri ke bachai lubole parishe. Moi etu bugibole naparay kile Odisha police para etu kaam ek saal opor samay para kuribole napari kena ase. Etu toh police laga negligence aro etu biya kaam te meli kena thaka nimite ase. Baba toh etu nimite bishi duk paishe aro chukuri toh bishi biya para traumatized hoishe.
Ms Maliwal koishe etu laga umar te chukuri tohschool puri thakibole laga umar te churkuri ke pregnant kuri dishe aro ek saal opor para biya para abuse kurishe.
Ms Maliwal para Mr Patnaik ke etu matter toh sabole koishe. Aro koishe ke etu kidnapping kura manu aro traffickers aro involve thaka police officials khan toh immediately arrest kuribole koishe. Ms Maliwal para chief minister ke chukuri nimite rehabilitation, protection aro welfare dibole koishe.
DCW official hesab te chukuri toh kidnap hoishe, tai ke bikai dishe aro 40 years mota logote joborjos shadhi kuri dishe. Aro etu mota para tai k eek saal opor para rape kuri ase.
Add Comment