NEW DELHI: Friday te Supreme Courtpara Uttar Pradesh politician D P Yadav laga request toh mana kuri dishe. Uttar Pradesh politician D P Yadav toh murder case nimite jeevan pura nimite jail hoi kena ase. D P Yadav toh medical grounds te bail mangi thakishe.
Hoile bhi Top Court para Dehradun Jail authorities khan ke D P Yadav laga health thik rakhibole paribole nimite ke kuribole kuribi koishe.
Yadav toh olop samay agote spinal surgery kuribole nimite bail paishe. D P Yada surgery toh Ghaziabad laga Yashoda Hospital and Research Centre te loishe. Aro jua saal December 6 te jail ke wapas surrender kurishe. Etu toh Top Court order laga procedure pichete hoishe.
Khobor hesab te Yadav toh post-operative complications lok pai ase aro etu sabole dibole nimite jail authorities khan bhi Yadav ke bail dibole suggest kuri ase. Jail authorities khan suggest kuri as eke Yadav laga treatment toh All India Medical Sciences (AIIMS) te kuribole lagay koishe.
Chief Justice Ranjan Gogoi para head kura bench koishe ke Court para Yadav ke bail nadibo. Hoile etu nohoi kena Nainital High Court ke kubo ke Yadav laga kotha toh muder case conviction laga khilaf te aes.
Justices Deepak Gupta aro Sanjiv Khanna koishe hoile bhi Top Court para jail authorities ke direct kurishe ke kanoon laga hesab te petitioner ke pura medical needs toh dibole lagay koishe. 2015 Deheradun te Yadav ke CBI court para life imprisonment award kurishe. D P yadav para Mahendra Singh Bhati ke mura te haath thaka nimite aes. Mahendra Singh Bhati toh Ghaziabad laga Dadri jaga laga lawmaker ase. Mahendra ke December 1992 te railway crossing te guli mari kena morai dishe.
Olop samay agote top court para Yadav lag interim bail toh barai dishe. Aro Yadav ke jua saal December 6 te Dehradun jail authorities khan logote surrender kuribole koishe. Etu toh tai laga bachi kena thaka life sentence pura kuribole nimite ase.
Yadav khilaf te thaka 2015 trial court verdict toh High Court te pending ase. 2000 te case toh CBI court para Deheradun te transfer hoishe.
Add Comment