ITANAGAR | February 7: Prime Minister Narendra Modi pora tai north eastern states khan te Saturday te bera samoy te Arunachal Pradesh te konoba projects shuru koribo aro besi states laga dangor schemes khan laga bi foundation lagaibo, officials pora Thursday te koise.
Modi pora Holllongi laga green field Airport te foundation stone lagaibole ase, tai khan pora koise.
State laga etu dangor airport project konoba saal karne rukhi thakise kile koile jakka juniya te diktari thakiya nimite. Arunachal Pradesh toh desh te full-fledged airport nathakiya khali state ase.
Shurwat te, Karsingsa toh airport bonaibo laga jakka karne junise hoilebi konoba diktari ola nimite, Director General of Civil Aviation (DGCA) aro Airports Authority of India (AAI) pora state government ke aalag jakka bisaribo karne koise.
State government laga aadesh pora, ekta central joint inspection committee Itanagar te jakka sabole 2017 te jaise aro Hollongi junise.
Prime minister pora Lohit district laga Tezu te bi chotu airport inaugurate koribo. Etu logote state te 110 MW hydro electric project, Doordarshan laga Arun Prabha channel aro 50 health and wellness centres inaugurate koribo.
Modi pora Jote te Film and Television Institute aro saathta electric sub stations laga foundation stone bi lagaibo, officials pora koise.
Tai pora Sella Tunnel aro Tawang te etu laga rasta laga foundation stones bi lagaibo aro Saubhagya Scheme laga nijete poar pura ghor electric powa bi manaibo.
Sob inauguration aro foundation stone laagaiya laga deyohar toh Indira Gandhi Park te lobo, tai khan pora koise.
Itanagar pora, Modi toh Assam aro Tripura te jabo.
PM ahibo karne ekdam gara security dayar korise. central paramilitary forces laga besi sepahi aro state police toh pura capital te Wednesday te pora shuru phelai kena ase aro aha-jowa manu khan ke besi gara pora pura check points te sai ase, DGP S B K Singh pora koise.
Chief Minister Pema Khandu logote Deputy Chief Minister Chowna Mein jaikena Wednesday te IG Park te dayari koriya ke saise, officials pora koise.
Add Comment