Jowah kali (May 3, 2019) morning Odisha deh Cyclone Fani ahha para tinta manu morishe. Etu para kasha aro electricity poles kera para etu state laga besi phak jaga deh power katikena thakishe. Officials hesab deh, Puri laga temple town aro tusara jaga deh bhari pani kera thakishe. 20 sal deh India deh etu cyclone ahha toh sobse gara wala ase. Odisha government para 11 lakh opor manu khan jaga para hataideya deh nai-nai loilebe 600 nesana khan toh pregnant ama khan ase. Prime Minister Narendra Modi para Rajasthan deh rally lowah time deh kowah toh, “Ami guarantee kori ase, nation aro centre toh affect howah khan logode shaat debole. Tai para kowah toh, Cyclone Fane para affect hobole state khan nemide advance para Rs 1,000 crore para be besi poisa olaishe.
Northeast India deh Cyclone Fani ahhaibole hosiyar
India laga Northeastern states deh Assam, Meghalaya, Manipur, Nagaland aro Arunachal Pradesh be meli kena ase aro etu state khan deh jaija four to five din deh hawah pani ahha thakishe. Meghalaya laga Cherrapaunji deh jaija tin-din time para bhari pani toh par-par kerikena ase.
West central Bay of Bengal para Cyclonic Storm ‘FANI’ toh north/northeastwards phali ahhai ase aro etu toh Indian coast osor deh ponji ase.
Northeastern states deh cyclone Fani para pura mosom toh beya koridebole ase. May 5 direk deh cyclone toh northeastern states deh ahhaikena pura Assam deh ponjibole ase.
May 4 aro 5 direk majode ami khan ektum bhari hawah pani toh Sub-Himalayan West Bengal, Sikkim, Assam aro Meghalaya deh ahhaibole biswaas kori ase. Etu logodeh medium para bhari pani toh Northeast India deh ahhaibole ase.
Etu pani kera logode gara hawah pani aro lightning mara be shaa deya thakibole ase.
Etu pani kera para nature toh beya koridebole ase. Kelay koile besi phak jaga deh etu pani para floods aro pani jama kuribole doom thaga nemide. Assam aro Manipur laga parts deh bhari pani kera time deh local floods toh hoijai thaki.Cyclone Fani nimete 223 trains cancel hoishe
PTI | May 3, 2019:Thursday te railways khan koishe ki May 3 te cyclone Fani aha nimete Kolkata-Chennai route Odisha coastline te berai thaka komti hoilebi 223 trains nishena cancel hoishe .
Etu te 140 mail/express trains aro 83 passenger trains thakishe .”May 4 tak sob Bhadrak-Vizianagaram section (along Odisha coastline) Kolkata-Chennai route laga train cancel hoishe cyclone fani aha nimete .”railway spokesperson koikena janaishe .
Indian Railways khan para tinta special trains olaishe passengers khan ke luijabole nimete.Etu bishi biya wala storm toh Odisha, Andhra Pradesh aro West Bengal khan te ahibole nishena ase .
National Crisis Management Committee, desh laga top body emergency time te modot kuria toh Wednesday din te cyclonic fani para kinika bachabo etu laga kotha khan kurishe .Home ministry official koikena janaishe .
Etu jaka te thaka manu khan nimete komti hoilebi 900 nishena cyclone shelter bonaishe aro Indian Navy, Indian Coast Guard aro National Disaster Response Force laga 78 teams khan tate buikena ase .
Add Comment