November 12, 2023 : Ekta joint inspection team, deputy commissioner (DC) Kumar Ramnikant para head kuri kena, Saturday din tey inspect kurishey, itu National Highway raasta aru urban raasta khan tey, Kohima tey. Itu team toh hoiley itu Kohima – Dimapur laga four lane package- III laga kaam, Kohima- bypass, Kohima- Mao aru Kohima town laga raasta khan tey inspect kurishey koi asey.
Itu inspection kuria laga homoi tey, kotey SP, RO, EE NPWD (NH), EE NPWD (R&B), EE (Urban), EE (KSDCL), NHIDCL aru contractors khan bhi present thakishey koi asey, thik nathaka raasta, thik para nadhala laga toh hoiley observed kurishey aru flagged kurishey, itu team para, NHIDCL aru NPWD ke, sinage khan aru line markings laga installation khan milai kena.
DC para NHIDCL aru NPWD ke comfortable aru safe para chulaboley laga ensure kuriboley nimitey advise dishey, sob NH raasta khan nimitey, Kiruphema para Khuzama tak, itu yaad tey rakhi kena ki, itu Hornbill Festival toh osor ahi asey, koi kena.
DC para itu bhi highlight kurishey itu biya hoi thaka bridge toh, Peducha Dzudza tey aru alag minor bridges khan laga, Kohima – Mao raasta phaley.
Add Comment