Islamabad: Pakistan para Afghanistan refugees laga 200,000 computerised national identity cards (CNICs) mesa howa nemite cancelled korishe. Saturday din Rawalpindi te Interior Minister Sheikh Rashid Ahmed para koishe, “ami khan hath te 1.5 million Afghan refugees laga legal status data ase aro etu oper te 800,000 Afghans khan desh te illegally bohi ase”. Tai aro koishe, visas issue kora te corruption thaka sai ase etu nemite government para 192 desh manuh logot online visa facility thiase. “etu corruption hatabo nemite, ami khan para online visa service olaishe keli koile visas oper te kam kora samai corruption nathakibo nemite. Etu samai Rashid para koishe, armed forces ke target kora nemite dosura foreign desh laga nam loikena kam kora te “72 gonda” pithor te action loboli koishe. “ami khan laga desh aro desh institutions nemite etu kam te larai korikena hatabo”, tai koishe. Pakistan Democratic Movement (PDM) toh 11 Opposition parties logot melikena ase aro etu Pakistan Army laga politics aro “puppet” Prime Minister Imran Khan kelaf te bonaishe. Etu te Jamiat Ulema-i-Islam Fazl leader Mufti Kifayatullah para army oper te kotha kora nemite tai kelaaf te cases registered korikena ase, tai para aro koishe. Rashid para jaa moina interior minister laga charge be loikena ase aro tai koishe, capital te notun police force aro checkposts kam nathaka toh hatabo. Islamabad te security thibo nemite Eagle Squad koikena logot latest technology toh jolti para rakiboli koishe. Tai para aro koishe, etu hafta Islamabad te 22 umer student ke morai deya te 5 jun police officials khan samil thaka khan logot thurikena ase. Jawan chokra te morai deya nemite manuh khan besi asorit hoikena ase, etu samai police khan para tai ke rokaboli signaled thishe aro tai naroka nemite mari thishe koishe.
Pakistan: 2,00,000 Afghan Refugees Fake Citizen ID Cards canceled
