London, United Kingdom: Monday din Britain te Oxford-AstraZeneca coronavirus vaccine game-putli korishe, bemari nemite larai kori ase, etu China te be million manuh ke vaccine toh thikena ase. Britain te notun kam soruh kora te AstraZeneca vaccine toh 530,000 doses soruh hoishe. Etu vaccine toh AstraZeneca aro University of Oxford para bona ase aro game putli kora ase koikena experts khan para koishe, dosura Pfizer-BioNTech aro Moderna vaccine neshina etu vaccine toh thanda temperature te rakiboli nalaki. Duniyaa te kurip desh khan para be vaccine toh coronavirus logot larai kora te jolaboli paribo. Coronavirus para 85 million manuh logot bemari ase aro 1.8 million manuh morikena ase. Brian Pinker, 82 umer retired maintenance manager logot Oxford’s Churchill Hospital te first tawai toh thishe, koikena NHS England para janaishe. “ami besi mon kushi ase ke Oxford vaccine lowa nemite,” tai para koishe. British Health Secretary Matt Hancock para koishe, “aji ami khan para @UniofOxford / @AstraZeneca vaccine toh UK desh pura te ola nemite kushi khobor ase”. “Covid-19 bemari logot larai koriboli te kam tangor kamyaab paishe”, tai koishe. Britain te itya dak te 1 million oper manuh khan ke Pfizer vaccine toh December moina soruh samai para thikena ahishe aro besas as eke etu shots toh 10 million manuh khan ke aha 3 moina te paijabo, koikena Prime Minister Johnson para BBC logot interview thaka samai koishe.
UK te 82 umer logot first AstraZeneca-Oxford Vaccine dishe
