Pakistan laga 15 pilots ke aro suspended kurishe

Islamabad. July 18, 2020.  Pakistan laga Aviation Division para 15 pilots khan ke aro licences tik nataka nemite suspended kuri thishe. Sob melaikena 93 pilots khan ke kam para olai thishe, saturday din te khobor thishe. 15 pilots khan tuh 262 pilots pithor te suspicious licences ase koikena Dawn news para khobor thishe. Friday din te, spokesman Aviation Division spokesman, Abdul Sattar Khokhar para koishe ke, 262 pilots logot suspicious licences thaka tuh Board of Inquiry para indentified kurishe aro jolti para government laga instructions hesab te pilots khan ke kam para olai thishe. Abdul Sattar Khokhar para aro koishe ke, federal cabinet para 262 pilots pithor te 28 pilots laga licences cancellation approved kurishe. Etu pilots khan tuh aro duty kuriboli naparibo, keli koile tai khan laga licences tuh bhal para legal procedures lowah beche cancelled hoishe. Pilots khan logot hearing be loishe koishe. Etu samay, 93 pilots khan laga licences verification jaiase aro 141 pilots khan laga cases tuh ek hafta pithor te kotom hobole ase koishe. Spokesman para aro koishe ke, scrutiny aro validation laga kam tuh jaiase aro disciplinary action tuh Minister for Aviation Ghulam Sarwar Khan para saikena kuriboli ase koishe. Jaa moina, National Assembly logot May 22 darik, Karachi te Pakistan International Airlines (PIA) plane crash kura laga khobor deya samay, Khan para koishe ke, desh te 40 per cent pilots khan laga licences tuh mesa ase. Etu khobor tuh Duniyaa para janikena, airlines aro air safety agencies para PIA logot authorization thaka tuh suspended kuri thishe. Etu nemite Pakistan desh tuh Duniyaa sob majot te kosa hoishe aro Duniyaa laga aviation industry te sobse tangot scam ase koishe.