US para Chinese Communist Party members ke travel ban kuriboli bhapana ase

Washington: July 18, 2020.Trump administration khan para Chinese Communist Party aro tai khan laga family ke United States te travel bondh kuri thibo koikena ek jun manuh para etu khobor tu Thursday din te koishe. Etu United States aro China pithor te relation tuh aro beya wala jabole neshina ase. Senior officials khan para kotha kurikena President laga order neshina jaiase, hoilebi, kotha tuh koiase ase aro President Donald trump logot aro pongcha nai koishe, source para khobot thishe. Etu khobor tuh New York Times para first khobor thishe, aro koishe ke, million Chinese manuh logot visas tuh nathiboli koiase, etu nemite Washington laga sobse tangor kam tuh Beijing logot notun Cold War linked hobole parey. Etu bondh kora tuh hoile, ruling Communist Party khan ke besi beya para jobo aro tai khan laga highest level para loikena rank aro file dak logot lakibo. Aro American manuh khan be China te jabole dhuk hobole koishe. Etu tangor manuh khan logot he dhuk nahobo, hoilebi business executives khan logot be effect hobo. Chinese laga Foreign Ministry spokeswoman Hua Chunying para koishe ke, etu kam tuh hosa hoile, United States laga kam tuh “kushi nahobo”. Sobse tangot economies desh tuita laga relations tuh lowest point te kerishe, keli koile coronavirus bemari cases tuh China para bhal kuri handle nakura  nemite tai jun pithor te clash hoishe. Trump aro Democratic presidential nominee Joe Biden melaikena China laga kelaff te othiboli ase koishe.Trump laga administration khan para Communist Party khan logot main target ase, hoilebi Trump para Chinese President Xi Jinping, logot direct botnam deya nai, keli loike Trump para Xi Jinping tuh tai laga sati ase koishe. Source para koishe ke, Trump logot authority ase ke, tai para konuba individuals nahoile categories khan ke maaf kuri thibo. Source para aro koishe ke, kuan tuh Chinese nationals laga party members khan ke bondh kuribo sai ase, keli koile, US authorities khan logot full lists tuh nai koishe.