Pakistan Prime Minister Imran Khan para Wednesday din kowah toh, Line of Control par hoi kena ahha Indian MIGs toh mari keraidese. Tai para tuita desh laga tension toh namaidebole janaishe aro etu chamala toh kotha para fesla kuribole koise.
Pakistan PM Imran Khan para kowah toh, “war suru howoh ektum beya ase aro etu war toh kotde kothom hobo najani. Etu para ami India logode hoti ase, apuni logode kondu hatyar ase ami khan logodebe ase. Ami khan etu toh rokhaidebo lagi”.
Mr. Khan para live TV deh kowah toh, ami khan laga action lowah toh samjaidebole laga he ase. Judi apuni khan ami khan laga desh deh ahhaise koile ami khan be etu nesana toh koribole paribo. Tuita MiGs toh mari kena keraidese.
Mr Khan para kowah toh, “ami khan buchi ase apuni khan Pulwama hamla para mondukh hoi kena thaga. Etu deh ami khan investigate kuribole aro kotha fesla kuribole daiyar ase”.
Mr. Khan para kowah toh, “war para eku laab napabo. War para ke hoi sob manu jani. Etu para ami khan demak lagai kena ahhaibole din time deh eku ke ke nahobo karni aji kali para bachabo lagi”.
Tai para aro kowah toh, “ami khan eki logode bohoi kena etu laga kotha koribo lagi”.
Add Comment