2014 bechide Prime Minister Narendra Modi toh first time Amethi jaga deh jabole ase. PM Modi toh Sunday din jabole ase aro tati tai public meeting deh kotha kuribole ase aro hatyar laga factory unit deh foundation stone thalibole ase. Amethi, Uttar Pradeshtoh Congress President Rahul Gandhi laga parliamentary constituency ase.
Official khobor hesab deh, Gauriganj laga Kauhar area deh PM Modi toh public meeting deh kotha kuribole ase aro Mushiganj Ordnance Factory laga foundation stone thala chari kena projects khan be suru kuribole ase. Etu hapta agae din phal Chief Minister Yogi Adityanath toh Amethi jaga deh jai kena ase. Kelay koile Prime Minister ahhaibo nemide daiyar koribo karni. State BJP general secretary Govind Narain Shukla toh prime minister’s public meeting laga convenor ase. Tai para kowah toh, Kauhar jaga deh meeting lobole laga toh kahani hobole ase aro 1.25 lakh opor manu khan toh ahhaibo nesana ase. 2017 Uttar Pradesh Assembly elections time deh, BJP para Amethi Lok Sabha seat pethor deh jar seats toh pasta seats laga deh jeta thakise aro bacha ekta toh SP para jeta thakise.
PM Modi para fastest train flags off korishe
Friday din Kanniyakumari jaga para Prime Minister Narendra Modi toh fastest train, Madurai-Chennai Egmore Tejas Express flag off korishe. Etu toh via video conference para kora thakise. Tai para be Rameswaram aro Dhanushkodi deh rail berabo nemide aro notun bridge Pamban Viaduct (2.05 km) laga foundation stone thala thakise. Train toh hoile 3. 30 pm deh flag off korishe aro testing nemide Kadaikanai Road tak pera thakise. DRM Neenu Ittyerah, Minister of Cooperation Sellur K Raju, Minister for Information Technology Dr M Manikanda, railway officials aro tusara khan be thakise. Madurai Division para special ticket conter toh suru jolai sabo karni khula thakise aro etu time deh 1,000 opor manu khan para kena thakise. Ticket reservation booking toh Saturday (March 2) din para suru hoise.
Add Comment