India, 10 November : Former India spinner Harbhajan singh para koishey Pakistan khan toh chance nai qualify hubolae semi finals karoney etu jaa laga ICC men’s cricket world cup 2023 tae. Pakistan toh face kuribo England khan logotae tai khan laga final group stage match Eden gardens Kolkata tae November 11 din tae.
Star sports logotae kudha kuri kina, Harbhajan para koishey Pakistan toh chance nai qualify hubolae knockout stage karoney. Pakistan toh England kae harai dibolae lagibo ekta dangor margin para tai khan laga next game tae semi finals tae qualify hubolae karoney.
“Moi bhaba thak toh tai khan eku chance nai. Etu toh apni nijor kae cheat kuri ase nishina lagibo tai khan ekta chance ase koi kina. Pakistan toh match jidibole lagibo 285 odd runs para. Tai khan eman runs score kuribole naparibo total tae,” Harbhajan para koishey.
Tai para aro koishey Pakistan toh vapas jabolae lagibo ki hoilae tai khan England kae beat kuribole naparibo etu margin kuntu required ase. Pakistan para first bat kuri kina aro tai khan para 300 score kurilae, tai khan para England kae restrict kuribolae lagibo 13 thak tae. Tai khan margin maintain kuribole lagibo 287 runs laga tai khan para 300 runs para bishi score kurilae Kolkata tae. Pakistan khan first bowl kurilae aro chance toh bishi komti wala ase. Tai khan para England kae 100 tae bowl out kuri di laebi, tai khan para chase down kuribolae lagibo total toh 2.5 overs tae, 283 balls spare kuri kina jidibolae.
Tai para aro koishey Afghanistan khan para southafrice kae bi beat kuribolae lagibo ekta dangor margin para, insist kuri kina semi finalists khan toh decide hoi jaishey. Afghanistan toh south Africa kae beat kuribolae lagibo 438 runs para semi finals karoney qualify hubolae karoney. “Afghanistan khan bi ekta bishi dangor margin para jidibolae lagibo. Eku enika nahoi tai khan karoney bi easy hubolae ase kuri kina, hoilaebi moil aga esab tae four teams toh already decide hoi jaishey. New zealand toh progress hoishey,” Harbhajan para koishey.
Add Comment