India, 9 November : Wrestler Bajrang Punia ke Thursday dey bail dishey ekta Delhi court para ekfa criminal defamation case dey kuntu coach Naresh Dahiya para file kurisheh, kun para itu top wrestler ke aarop kurishey tai laga image biya kuri dia tai laga khota para protest thakia homoi federation chief Brij Bhushan Sharan Singh laga khilaf. Itu wrestler laga protest thakia homoi, Bajrang para kuishey ki Dahiya toh eku credibility thakianai agitation laga khilaf jawoley kiley kuiley tai nijor bhi ekta balaatkar laga case dey thakishey.
Dahiya para itu piche dey court podli kurisheh, kuntu para Bajrang ke madishey, kun recently haarishey Asian Games dey aro medal nathakina wapis ahishey.
“Bajrang para physical appearance dey exptemption mangishey aro agey three hearings miss kurishey. Tai aji physically ahishey aro court para taike bail dishey. Hearing laga ahia din toh March 5 asey,” advocate Rajesh Kumar Rexwal, kun Dahiya ke represent kurishey, kuishey PTI ke.
Dahiya para court dey kuishey ki taike balaatkar laga case dey acquitt kurishey aro Bajrang laga khota para taike biya naam anishey.
Wrestlers Bajrang, Vinesh Phogat aro Sakshi Malik para ekta protest lead kurishey WFI chief laga khilaf, kuishey ki tai para bishi mahila wrestler khan ke sexually exploit kurishey.
Singh, kun itia ekta court case juli asey itu matter dey, pura charges maana kurishey. PTI AT BS BS
Add Comment