India, 9 November : Former India batter Yuvraj Singh toh duniya dey sobse bhaal sportspersons maju dey ekta thakia maaney. Tai laga heroic six sixes para 2007 T20 World Cup dey para ouina Man of the Tournament performance 2011 World Cup tak, Yuvraj para Indian cricket dey bishi contribute kurishey. Juti tai cancer thakia diagnose kurishey, itu left-handed batter para ekta remarkable comeback panaishey aro bishi phenomenal innings khilishe Team India karney. Huilewi, ekta recent interview dey, Yuvraj para janai dishey ki tai para tai laga mota bacha ke cricketer huwoley diwo muun nai.
TRS Clips dey ekta khota dey kuina, itu former aggressive batter pra pressure laga khota kuishey kuntu cricketer khan laga bacha pai media aro public karoney.
“Mui laga mota bacha ke mui cricketer huwoley diwo muun nai. Aji kali itu bacha khan pressure thakia toh, bishi pak cricketer khan laga bacha, mui itu bishi lagey. Taikhan karney itu aasan nahii kitia muikhan laga public aro media para taikhan ke taikhan laga maa paap logot compare kurey,” kuishey Yuvraj para TRS Clips dey.
2011 World Cup laga vigeta para agey janai dishey ki tai para tai laga mota bacha ke olob shots sikhaishey golf dey huilewi tai hotai “cricket bat” dey interest dikhai.
“Mui golf khiliwoley khushi pai itu karney mui laga bacha karney ekta plastic golf set kini dishey. Mui taike olob shots sikhaishey kiley kuiley tai itia bishi jawaan asey aro tai sikhia laga phase dey asey. Toh tai olob ball mariwo aro tai laga tuita haat para phikai,” kuishey Yuvraj.
Ek din, tai mui laha sister-in-law laga ghor dey thakishey. Tatey, tai golf stick ke uthainai huilewi ekta cricket bat uthaishey aro yatey tatey pulaa shuru kirishey. Itu karney, kunwa cheez asey kuntu natural asey aro itu ke ektm motut kuribo naparey. Juti tai cricketer huwo muun jai kuiley, mui taike support kuribo huilewi mui Terminator 4 bhi huwo,” Tai halishey.
Yuvraj para 40 Tests, 304 ODIs, aro 58 T20Is khilishey tai laga 17-saal purana career dey. Tai para 1900 runs score kurishey Tests det, 8701 runs ODIs dey, aro 1177 runs T20Is dey.
Tai laga last international match tai 2017 dey khilishey aro tai laga retirement 2019 dey janai dishey.
Add Comment