France, 9 November : Real Madrid aro Bayern Munich toh clubs maju dey thakishey kun last 16 karney qualify huishey Champions League laga, tuita group khel spare kuriboley thakina Wednesday dey, kitia Manchester United laga biya form chari rakhishey kitia taikhan ekta 4-3 haar dey girishey FC Copenhagen laga khilaf. Jaa season laga runners-up Inter Milan aro Real Sociedad bhi taikhan laga tickets luishey knockout phase karney, holders Manchester City aro RB Leipzig join kurina last 16 dey agey jawoley.
Madrid, record 14-par European champions, Group C para taikhan kaga progress thik rakhishey ekta 3-0 home jeet logot Braga laga khilaf ekta jokhum hua piche kick-off nahua agey dey.
Goalkeeper Kepa Arrizabalaga toh jokhum huina warm-up dey ulai jaishey, huilewi tai laga replacement Andriy Lunin excell kurishey Alvaro Djalo laga sixth-minute penalty ke pachaina.
Jude Bellingham rest kurina, Brahim Diaz para Real ke ekta 27th-minute lead dishey Brazilian duo Vinicius Junior aro Rodrygo taijun para second half dey score nakuria agey dey.
Napoli toh group para jawoley taiyar asey Real logot juti taikhan 1-1 draw asey home dey Union Berlin para.
Add Comment