Paralympic Medallist Hokta Hotozhhe Sema ekta warm welcome pai shae

September 19, 2024: Nagaland laka first Paralympic Bronze medallist Hokato Hotozhe, kun P. Vihoto Village Aghunaqa area para ase, tai Dimapur airport deh ekta warm welcome pai shae, 19^th September 2024 din deh. Etu warm welcome tho Western Sumi hoho aro Frontal Organisation para organize kuri shae. Taikan lokot deh civil societies, NGO’s CNTC aro alak alak tribal Hobos, students bodies aro manu kan b taki shae, kun kan tai keh welcome kuri bole karne rukhi taki shae. Taila arrival deh, taike ekta warm welcome di shae, taila remarkable dedication keh mana bo karne. Kuto para Nagaland laka nam tho international sports arena deh dali di shae. Tai 2024 Paris Paralympics Games deh ekta bronze medal jiti shae, Men’s f57 shopput event deh. Hokato Hotozhe Sema para taila short address deh tai tho overwhelm hui shae kui shae, etu grand welcome taka karne aro enaka welcome kura karne manu kan keh taila thanks di shae. Tai para taila success story keh share kuri shae, kuteh tai para taila goal tho Nagaland karne ekta medal jiti bo karne taki shae. Tai para Paris Paralympics agae deh, tai jokom kan suffer kuri shae kui shae aro fever lokot deh bisna deh taki shae kuji shae. Hoile b Nagaland karne medal jiti bo kui nah josh deh taka karne, taike agae jabo di shae aro Isor laka Grace para tai medal ekta jiti shae kui shae. Tai Nagaland keh represent kuri bo karne proud ase kui shae aro international sports arena deh bronze medal jiti nah history bana karne proud ase kui shae.