July 16, 2021. Notun khobor ekta te Arunachal Pradesh Police para tui(2) jun trial prisoners, Pasigaht judicial jail para July 11 darik te pulai jowa khan ke aro thuriboli kamyaab hoishe. Tui(2) jun jail para pulai jowa thura laga nam toh Abhijeet Gogoi aro Subhash Mondal ase koishe. Etu samai Abhijeet Gogoi ke Jonai te thurishe aro Subash Mandol ke Leku-Jhelum jaga para thurishe koishe. Abhijeet Gogoi aro Subhash Mondal toh notorious criminals thaka ase, Gogoi toh drug peddler ase aro Mondal toh murder case ekta te trial pithor te thaka samai pulai jowa thakishe. July 11 darik te, Arunachal Pradesh laga Pasigaht judicial jail te para 7 jun prisoners bohi thaka samai pulaishe. Abhijeet Gogoi aro Subhash Mondal logot thura beche itya sob melaikena tin(3) jun ke thurikena ase koishe. Etu samai dosura baki 4 jun ke be aro thuriboli persari ase koishe. Monday din ek jun pulai jowa Kalen Apang koikena, tai ke Mirbuk bosti para Monday din 11:30 samai thurishe.
Pasighat jail para pulai jowa tui(2) jun thurishe
