Italy, 13 December : Paul Pogba toh Italy lagq anti-doping tribunal samna kuribo January 18 dey, testosterone karoney positive test kuria piche dey itu saal agey dey, Italian media para Tuesday dey report kurishey. Itu Juventus aro former Manchester United midfielder para ekta potentially lengthy ban samna kuribo itu hearing lua piche dey NADO tribunal dey Rome. Tribunal nahuina Pogba laga representatives para bhi respond kurianai hearing date confirm kuriboley laga request dey. Jaa haafta anti-doping prosecutors para Pogba, 30 ke madishey, four saal karney ban kuriboley tai laga provisional suspension piche dey September. Pogba para tai laga ban aatha dry katibo paribo juti tai laga dikhailey ki, tai para jaani jaanina dope kurianai, kitia taike kunwa mahina karney ban kuribo juti tai para dikhabo paribo ki itu samaan toh tai competition laga bahar dey luishey aro tai laga performance dey kaam kurianai.
Tai laga representatives kuishey jaa mahina ki itu testosterone toh ekta khaana supplement para ahishey kuntu ekta doctor para prescribe kurishey kuntu tai United States dey consult kurishey.
