Australia, 13 December : Australia batter Usman Khawaja toh ekta dangor khota huishey social media dey, tai laga juta dey ‘Palestine conflict slogan’ thakia laga ekta photo social media dey ulaishey. Khawaja toh itu juta eki sandesh thakina din ek dey lagawo thakishey, agey Test dey Pakistan laga khilaf Perth dey, huilewi itu kuriboley maana kurishey ‘ICC rules’ karoney. Kitia Khawaja para itu directive luishey, tai kuishey ki tai laga juta dey sandesh likhina thakia toh political nahui.
Khawaja laga ekta juta dey, itu sandesh purishey: “Sob zindagi eki asey”, kitia alag wala dey likhina thakishey, “Aazadi toh manu laga ekta haq asey”. Huilewi, juti itu veteran batter para itu eki sandesh match dey lagawoley faisla kurina thakiley, taike ICC para suspend kuribo pari thakishey.
Tai para social media dey sharw kuria ekta video dey Perth Test laga eve dey, Khawaja para tai laga ground uthishey aro kuishey ki tai Israel vs Hamas war dey side lua nahui huilewi khali kui asey ki tai karney sob zindagi eki nishna important asey, Muslim, Jew nahuiley Hindu manu huwi.
Juti Cricket Australia para taike warning dishey, Khawaja para kuisheh ki tai para tai laga khota janai diwoley laga haq karney ladai kuribo “Aazadi toh sob manu karneh nahui? Sob zindagi toh eki nahui?”, Khawaja kuishey ekta video dey.
Tai laga sandesh para, Khawaja para umeet rakhi asey itu war khotom huwoley kuntu bishi haafta karney chuli asey Israel aro Hamas laga bheej dey. Gaza dey thakia war toh Hamas para ekta brutal attack kuria piche dey shuru huishey southern Israel dey October 7, kuntu para 1,200 manu ke murai dishey, bishi pak civilians, sraeli officials hisab dey.
Add Comment