Peren, 06 April: April laga moina nemite Peren District Planning & Development Board (DPDB) meeting toh 6th April, 2022 te DC’s Conference Hall, Peren jaga te DC Peren aro DPDB Vice-chairman Peren, Sentiwapang Aier laga chairmanship te loise.
Deputy Commissioner para sob Board members meeting te present howa khan ke welcome korise aro sob Sub-divisions te posted Administrative Officers aro Heads of Departments te station te thakibole request janaishe. Tai para be officers ke sincerity aro dedication logote kaam koribole koise.
Jalukie te GMS bonabole aro Samziuram to GHS nemite agenda te, kotha kora bechite board para SDEO-cum-DEO Peren te sob lakiya documents toh Directorate para next DPDN meeting agae te jama koribole kaam deshe. Aro board para be in principle te manibole manishe hoilebe official approval toh next DPDB meeting te koribo koise.
Agenda kotha kora te Peren Town 75th Anniversary celebration programme te be meli kena, etu te DC para board te pre-celebrations nemite action plan opor te koise aro etu toh alak alak departments para organized koribole koise. Tai para sob Department Officials aro Civil Societies para besi support aro cooperation nemite koise kelay koile programme te kamiyab nemite.
Kaam deya hisab te, DPRO Peren from IPR Department para ekta katha departmental presentation deshe.
Etu bechite, Registration of Births & Deaths aro Peren District Skill Committee (DSC) nemite District Level Coordination Committee (DLCC) meeting toh Deputy Commissioner, Peren laga chairmanship te lowa thakise.
Add Comment