July 16, 2023 : Itu Pfuchatsumia Students’ Union toh hoiley ekta One-Day Literary Programme organize kurishey, theme toh “Pages of Tomorrow” rakhi kena, 15th July 2023 tey, Kohima laga Bosti laga P. Khel, Christ King Church & GMS laga Marocchino Hall tey para. Director of the Department of Information & Public Relation- Dzuvinuo Theunuo para tatey special guest thakishey.
Dzuvinuo Theunuo toh hoiley tai khushi pawa janaishey itu PSU logotey, tai ke mata nimitey tatey – utu programme tey part loboley. Tai para koishey ki eneka nishina programme khan kuriboley karney toh bishi effort lagey sob manu khan para, executives, students aru parents khan bhi milai kena. Tai para students khan Isor ke morom kuria manu hoboley koishey aru ekjon ekjon nimitey bhal thakiboley koishey, itu koishey ki academic laga achievement ekla kafi nahoi judi kunba manu toh Isor ke bhui nakurey koiley toh aru bhal nathakiley toh. Tai para tai-khan ke encourage kuri asey, dangor manu aru sathi/sathini khan laga kotha huniboley, utu para toh notun idea aru gyan paboley modod kurey. Chutu thaka hoimoi para he goals khan set kuria aru time culaboley laga practice kuria toh hoiley, important habit thaka laga dikhai agey jai kena success hoa laga.
Theunuo para mon dikena puria laga importance bhi koishey, khali academics laga kitab ekla nahoi hoilebi alag alag nijey laga intrest thaki kena thaka kitab khan bhi saboley koishey. Eneka puria para toh agey din tey bhishi modod pabo.
Add Comment