Nagaland

Phek te sukrunye festival 2025 khotom hoishey

January 17, 2025
4 Views

Phek te 15th January 2025 te SUKRUNYE FESTIVAL 2025 khotom hoisey. Kuntu te G. Kaito Aye, Minister for Road & Bridges tu Sukrunye Guest thakisey.

Etu te jama huwa manu khan ke speech diya homoitey, G. Kaito Aye para taikhan ke festival khan mana laga naam te Naga khan majotey unity anibole koisey kuntu te Sukrunye festival bi shamil asey. Tai para koisey ki poila jamana te jitya Nagaland te Christianity thakanai utu homoitey bi unity, morom aro ekta hoikina thaka tu thakisey. Etu nimitey tai para Chakeshang manu khan ke ekta awas logotey milikina thakibole aro baki Naga khan ke ekta example set kuribole challenge kurisey. 

Sukrunye guest para wapas dohraikina koisey ki ajitak alag alag tribe laga Naga khan nimitey common language nai, unity aro ekta nathaka nimitey. Etu nimitey tai paraetu celebration te manu khan ke yaad dilaisey ki Naga khan nimitey ekta awas nimitey unity thaka tu bisi urgent lagia sey.

G. Kaito para bi, State Government laga behalf te, Chakeshang manu khan ke greetings janaisey. Aro Phek Town Public Forum ke Sukrunye Mini Hornbill Festival 2025 successful para organise kuribole nimitey appreciation baraisey. Etu ekey homoitey tai para acknowledge kurisey ki State government para Nagaland State te sob tribe nimitey poisa laga support barabole kadam utha tu successfully hasil kuribo parisey. 

Tailaga welcome address te, Sukrunye laga Host Kuzholuzo (Azo) Nienu, MLA aro NPF legislator laga Leader khan ke amikhan laga culture laga through para kityabi komti nuhuwa morom dibole koisey. Aro student/youth khan ke taikhan laga jarurat nimitey kamabole karney imandari aro mehnat kurikina thakibole bi request kurisey.

Azo Nienu para Phek Town Public Forum aro Phek Town Council ke Sukrunye festival 2025 tu bisi dangor para organize kuribole nimitey Phek Town Public Forum ke tailaga sincere appreciation janaisey.

Etu celebration te Jericho II Ward  aro New Ward para Folk dance kurisey. Aro traditional jui jola, weave kora, Matchbox Bean Game aro tail lagaikina thaka bamboo te climb kora nisna competition khan bi kurisey.  Sukrunye festival nimitey invocation prayer tu Dr. Vekhutsolu Soho, Associate Pator, Phek Town Baptist Church para kurisey. Aro Dr. K. Hoshi tu etu program laga leader thakisey. Enoli Akululu Dozo aro Vezovo tu etu occasion laga compere thakisey.