Agencies, 18 April: Sunday bhujor ekta house party, Pittsburgh jaga te bondukh hamla para tuita minors eke morai deshe aro komti hoilebe nine manu khan ke jokhom paise. Etu khobor toh police para koise. Hamla toh ekta katha samai nemite rental property te party samai 12:30 am te hamla kora thakise koise. Tati 200 opor manu khan thakise koise. Komti hoilebe 11 manu ke bondukh hamla nemite treat korise aro tuita moda victims toh hospitals te morise koise.
Tusara khan toh polabole kosish kora samai te morise aro tuita manu ke toh building laga windows para chalang mara nemite harti pangki kena jokhom paise koise. Area te officials ponja samai te besi manu khan toh theng para aro gari para polai thaka dekhise koise.
Pittsburgh police commander John Fisher para WTAE-TV te, Komti hoilebe 50 rounds toh pithor te mara thakise aro besi hamla toh pahar te mara thakise koise. Rifles aro pistols para shell toh scene te powa thakise koise.
Tuita youths mora laga naam toh joldi na-ola thakise. Aro arrests opor te joldi khobor nakora thakise aro police para suspects opor te khobor joldi naola thakise.
Add Comment