Monday din state Health Minister Himanta Biswa Sarma para kowah toh, Prime Minister Narendra Modi toh February 9 direk Assam, Arunacha Pradesh aro Tripura deh log kuribole ase. Etu time deh tai alag-alag project inaugurate koribo aro public khan logode kotha koribo.
Guwahati deh najaa agae deh PM Modi para Arunachal Pradesh laga Parum Pare district, Hollongi deh Greenfield airport foundation inaugurate kuribole ase. Etu khobor toh Sharma para reporters logode janaideya laga ase.
Sharma para kowah toh, “Guwahati deh tai Brahmaputra jaga laga six-lane bridge laga foundation inaugurate kuribole ase aro Changsari osor laga All India Institute of Medical Sciences (AIIMS) construction work toh suru kuribole ase”.
Minister para kowah toh, prime minister parabe Numaligarh Refinery Ltd’s bio-diesel refinery aro Barauni-Guwahati gas pipeline inaugurate kuribole ase. Northeast logode national gas grid pipeline connect kora para industry logode tail lagi thaga pabo, automobiles deh CNG supply koribo aro khor khan ke cooking gas paijabo.
Sharma para kowah toh, din saam phali, Modi toh Tripura deh orijabo. Tati tai public khan logode kotha kuribole ase.
Add Comment