Eastern Uttar Pradesh laga Congress general secretary Priyanka Gandhi toh state para pahar olaijai kena thaga Monday 04 direk deh ahhaise. Tai Congress President Rahul Gandhi logode tai laga Tughlaq Road residence jaga deh log kora thakise.
Tuesday din Congress headquarter, Delhi deh Priyanka laga nameplate toh room laga pahar deh thala thakise.
Thursday February 7 direk para suru hoikena Priyanka Gandhi toh Rahul para bona party state managers laga meeting deh thakibole ase. Priyanka Gandhi be state chiefs aro legislature party leaders logode meeting thakibole ase.
Priyanka logodebe party group Congress Working Committee (CWC) para welcome koribo nesana ase. Etu time deh party para Lok Sabha laga plan nemide daiyar kuribole ase.
Saturday din National capital deh, Rahul Gandhi para state chiefs aro Congress Legislature Party leaders logode meeting matha thakise.
TOI report hesab deh, party khan Mayawati aro Akhilesh Yadav’s SP-BSP collation logode etya tak alliance nabonai kena ase.
Priyanka Gandhi toh tusara Congress leaders logodebe meeting thakibole ase. Etu time deh tai Uttar Pradesh-East laga strategy opor deh kotha kuribole ase.
Congress leaders logode Priyanka Gandhi meeting thaga time deh, UP-West laga Congress general secretary Jyotiraditya Scindia be meeting deh thakise.
Add Comment