New Delhi, Tuesday din petrol aro diesel laga daam toh namishe. Petrol laga daam desh laga main cities deh 14-16 paise para sosta hoise aro diesel laga daam 10-11 paise per litre para sosta hoise. National capital Delhi deh, petrol laga daam jowah kali Rs 70.44 per litre thakise. Monday din Delhi deh petrol laga daam toh Rs 70.59 per litre thaga ase. Aro diesel laga daam jowah kali Rs 65.51 per litre thakise. Monday din Delhi deh diesel laga daam toh Rs 65.61 per litre thakise.
Mumbai deh petrol aro diesel laga daam toh Rs 76.08 per litre ar0 Rs 68.59 per litre thakise. Etu khobor toh Indian Oil Corporation website hesab deh ase. Monday din Mumbai deh petrol toh Rs 76.22 per litre aro diesel toh 68.70 per litre para bekhai thakise. Chennai deh Monday din laga daam Rs 73.27 per litre laga ke saijaile jowah kali petrol laga daam toh Rs 73.11 per litre thakise. Etu toh 16 paise para nama laga ase. Aro diesel laga Chennai deh Rs 69.20 per litre thakise. Monday din laga daam toh Rs 69.31 per litre thakise. Kolkata deh petrol laga daam Rs 72.55 per litre thakise aro diesel laga daam Rs 67.29 per litre thakise.
US dollar logode Rupee toh 13 paise para othise. India deh last 4 month October moina tak tai laga daam toh otha thakise. Delhi deh petrol laga daam toh Rs 84 per litre tak otha thakise aro Mumbai deh Rs 91 tak otha thakise.
Add Comment