Trinamool Congress-led West Bengal government aro Bharatiya Janata Party majode chamala toh next round deh kushise. Murshidabad jaga deh rally koribo karni West Bengal para BJP spokesperson Shahnawaz Hussain logode mananai.
Notun khobor hesab deh, Hussain toh venue jaga deh rally kuribole ponjise. Hoilebe administration para rally koribo karni agiya deya nai.
Jaija din time para Trinamool Congress chief aro West Bengal Chief Minister Mamata Banerjee toh Central Bureau of Investigation (CBI) deh fight kori ase.
Sunday din West Bengal Government para CBI team logode Kolkata Police Commissioner Rajeev Kumar laga resident deh kushibole deya nai. CBI toh Kumar logode Saradha Chit Fund Scam opor deh hotibole mon ase.
Etu agae deh, Uttar Pradesh Chief Minister Yogi Adityanath logode West Bengal deh rally kuribole agiya nidiya thakise. Adityanath para South Dinajpur deh rally toh via phone para kowah thakise.
Yogi Adityanath logode Purulia jaga deh rally koribo karni tai laga helicopter land koribo karni clearance deya nahoi. Etu para venue deh ponjibo karni tai rasta para perabole olaise.
Add Comment