Thursday din purana Assam laga chief minister Tarun Gogoi para Prime Minister Narendra Modi’s para kelaaf korikena model code of conduct (MCC) mana nai koise. Kelay koile polling day time deh state deh ahhai kena campaign kora nemide.
Gogoi par Jorhat jaga laga DCB Girls High School polling station jaga deh tai laga vote debole ahha time deh etu kotha toh janaideya laga ase. Aro tai laga bacha aji kali MP nemide bohoi thaga Gaurav Gogoi be tai logode shaat deya thakise.
Gogoi para kowah toh, state laga sob five constituencies deh polling jai thaga time deh Prime Minister Narendra Modi toh ahhai kena campaign lowah toh MCC deh namana laga ase.
Purana Chief Minister para kowah toh, “kali (Friday) PM Modi toh campaign be koribole paribo thaga ase kelay koile kali eku polling toh nathaga nemide. Assam Agitation laga martyrs laga naam para vote mangkibole ahha toh indirectly MCC deh namana laga ase. Martyrs toh ami khan laga ase aro etu toh BJP laga nahoi”.
Thursday din Assam deh PM Modi para two oll rallies deh kotha koribole plan kora toh April 18 direk second phase polling thaga nemide ase.
Assam deh polling toh three phases deh lobo. Thursday din first phase lowah toh Assam laga five parliamentary constituencies nemide loise aro etu din deh polling toh ektum tight security para loise.
Tezpur, Kaliabor, Jorhat, Dibrugarh aro Lakhimpur Lok Sabha constituencies deh elector toh 76,03,458 ase aro etu deh 38,65,334 toh moda khan ase, 37,37,970 voter maike khan ase 154 toh third gender khan ase. Tai khan para 41 candidates laga luck toh fesla koribole ase.
Add Comment