Pochury khan Yemshe Mini Hornbill manaishe

PHEK, OCTOBER 5 :Government of Nagaland & Pochury Hoho khan pora Pochury  Yemshe Mini Hornbill festival manaishe 4^th October 2018 te manaishe . Minister, V. Kashiho Sangtam pora cheif guest hoikena etu occasion shuru kurishe  .Tai logote MLA Yitachu,  DC Phek, Orenthung Lotha aro Meluri Sub-Division laga officers khan ahise .Etu special guest pora khushi janaishe  etu festival te bhaagh loishe  .Tai koisge Sangtam aro pochury khan toh bhai kukai nishena ase.Aro tai khan laga age old traditional bond toh aro bi bhal hobole ase ,Tai aro koishe government policy Mini Hornbill sob district headquater te manabole ase sob community aro bosti khan ke etu festival te bhaagh lobi koikena janaidishe .Etu cheif guest pora exhibition stalls khan  government department aro self help group khan pora khula toh sai se . Yitachu, MLA 20th A/C Meluri aro Orenthung Lotha, DC Phek pora Yemshe greetings dishe .Yemshe laga kotha toh  S. Akho Leryri. Pora kurishe. Invocation and benediction toh Rev. Rümatho Nyusou, Executive Secretary Pochury Baptist Church Council and Rev. P. Leyri Dist. Supt. SEND pora dishe . Welcome address toh Chülekhu Nyusou, President, Pochury Hoho pora dishe  aro  special folk tune toh  Karo Trakhra pora dishe.Etu din te luwa programm khan toh Yemshe trumpet laga awaz aro cultural extravaganza Lozaphuhu village, (Chakhesang) cultural troupe, laga invitee team pora kuirishe  .Etu pichede  five areas cultural troupes namely, Phokhungri Area Public Organisation; Phoyisha Public Organization; Kamalea Area Public Organisation; Apoksa Range Public Organization and Meluri Area Public Organisation thaka pora kurishe . Rhosietho Ngouri, Additional Deputy Commissioner Meluri pora etu programme loishe.