Colombo: September 8, 2020. Sri Lankan politican ek jun kuan rulling party para ase, Parliament te junishe. Tai toh murder case ek te death sentence paikena thaka, Tuesday din te speaker para MP hoboli kosom thishe. Sri Lanka People’s Party (SLPP) lawmaker Premalal Jayasekera toh July 31 darik te murder case te thurishe. Aro August 5 darik te parliamentary elections thaka samay, tai south western Ratnapura chaka para election te jaishe. Tai toh, speaker Mahinda Yapa Abeywardena osor para member of parliament hoboli kosom kaishe. Tai kosom lowah toh, court para interim order thikina, Commissioner-General of Prisons logot Jayasekara toh Parliament te jabole nemite arrangement koriboli koishe. Jayasekara para Court logot relief nemite writ petition ekta filed korishe. Jayasekara logot Attorney-General Dappula de Livera para jaa hafta court ke appeal kora beche court para tai toh parliament te bohiboli aro house te vote thiboli right nao koishe. Attorney General para koishe ke, Sri Lanka Constitution te section 91 (1) (a) hesab te, kuan manuh be Parliament te bohiboli nohoile Parliament te vote thibo naparehbo, jodi etu manuh toh Article 89 para hatai-kena thakile. Jayasekera aro tui(2) jun manuh logot Ratnapura High Court para 2015 saal te political activist ke morai deya nemite death sentenced thikena ase koishe.
Add Comment