New Delhi, 2 September : September 2025 FIDE classical rating update te, R Praggnanandhaa nija career laga highest 2785 Elo reach kurise, aru overall No. 4 position te uthigina India laga highest-rated classical player banigise. Itu progress Sinquefield Cup te second-place finish pora ahise, jun te tai August te 6 rating points earn kurise.
Top position te abhi bhi Magnus Carlsen ase — tai world champion nohoile bhi, rating hisab te No. 1 classical player thaki ase. Tai laga pichhe American grandmasters Hikaru Nakamura aru Fabiano Caruana ase, No. 2 aru No. 3 te. India laga baki dangor classical players te Arjun Erigaisi ase No. 5 (2771 Elo) te aru reigning World Champion D Gukesh ase No. 6 (2767 Elo) te.
Top 10 te ekta notun naam ase Germany laga Vincent Keymer, jun Chennai Grand Masters 2025 te dangor performance dikhai kene 21 rating points earn kurise aru elite bracket te ghusikena ase.
Add Comment