New York, 2 September : US Open tennis te, duita bar champion Naomi Osaka, world No. 3 Coco Gauff ke harai kene women’s singles quarterfinal te jaga paise. Osaka Gauff ke 6-3, 6-2 te harai kene Final Eight te ghusi jabo pari she. Itu jeet te, Osaka chari saal aru aadha bisi pichhe pora Grand Slam quarterfinal te wapas ahise. 27 saal laga Osaka itu jeet pora WTA ranking laga top 20 te bhi wapas ahise. Quarterfinal te Osaka Czech Republic laga Karolina Muchova ke saamna kuribo, jun Ukrainian 27th seed Marta Kostyuk ke harai kene jaga confirm kurise.
Men’s Singles te, Felix Auger-Aliassime, Andrey Rublev ke straight sets te harai kene Canadian 25th seed hisab te tin saal pichhe pora prothom bar Grand Slam quarter-final te paise. Auger-Aliassime last eight te Australia laga Alex de Minaur logot khelibo.
Novak Djokovic kali quarter-final te Taylor Fritz logot mukabla kuribo. 24 bar Grand Slam champion Djokovic, Germany laga Jan-Lennard Struff ke 6-3, 6-3, 6-2 te harai kene round of 16 confirm kurile, aru itu saal te sabo bar Grand Slam quarter-finals reach kora oldest man bhi banishe.
Add Comment