IMPHAL, January 28: Aadangwati manu khan People’s Revolutionary Party of Kangleipak (PREPAK) pora Improvised Explosive Device (IED) toh Manipur te Republic te bhoota laga zimmedari loise.
PREPAK toh Co-ordination Committee (Cor Com), Manipur laga dangor aadangwati group laga umbrella body, laga ekta hisa ase.
Saturday din te, Republic Day laga deyohar samoy te ekta IED toh Imphal West district laga Border Roads Task Force (BRTF) camp laga osor te bhootise. Tate konobi jokhom powa nai, aro etu jakka te police khan pora bomb laga dukura khan paise.
Etu aadangwati khan pora koise ki tai khan pora jarta IED toh state laga aalag jakka te January 25 raati pora shuru korikena bhootaise, tate BRTF camp osor te bhoota bi milaikena.
Tai khan pora koise ki etu IED bhoota toh India laga 70th Republic Day deyohar logote khilaf Western South East Asia (WESEA) region laga revolutionary group pora namanaibole kowa laga hisa karne bhootaise.
“Etu bhoota toh “colonial master” (India) ke sabha chetauvnee diye ase ki WESEA laga manu khan toh Republic Day deyohar logote 1950 pora hi khilaf ase kile koile etu toh mainland India laga manu khan laga deyohar ase,” tai khan pora koise.
Etu pora wada korise ki etu revolutionary movement toh joli thakibo aro Indian “colonial rule” logote khilaf freedom napowa tak larai koribo.
Etu aadangwati manu khan pora Republic Day deyohar namanaibole koilebi, 70th Republic Day toh Manipur te Imphal laga Kangla Fort te ekko diktar nathakiye kena manaise.
Manipur Governor Dr Najma Heptulla pora flag kholise aro Imphal te Security toh besi thakise.
Sob milai kena, 73 march koriya contingents, tate noita band contingents aro parade coommander pora loikena konoba school contingents, state laga konoba jaati aro organizations laga 20 cultural troupes bi milai kena thakise.
Add Comment